Yeni tikililərdə yaşayışın üstünlükləri və riskləri: alıcılar nəyə diqqət etməlidir?

Son illərdə Bakıda yeni tikililere maraq əhəmiyyətli dərəcədə artıb. Müasir infrastruktura, geniş planlaşdırmaya və rahat şəraitə malik olan bu binalar alıcıların diqqətini cəlb edir. Lakin menzil alışı zamanı təkcə üstünlüklərə deyil, mümkün risklərə də diqqət etmək vacibdir. Yeni binaların əsas üstünlüklərindən biri onların müasir planlaşdırma və dizayna malik olmasıdır. Geniş otaqlar, açıq mətbəxlər, yeraltı qarajlar və sürətli liftlər sakinlərə daha rahat həyat tərzi təqdim edir. Digər mühüm üstünlük enerji səmərəliliyidir. Yeni izolyasiya sistemləri sayəsində menzillerde istilik itkisi minimum olur, bu da qışda istilik, yayda isə sərinlik xərclərini azaldır.

Bundan əlavə, yeni tikililər adətən məktəb, supermarket, dayanacaq və park kimi obyektlərə yaxın ərazilərdə yerləşir. Bu da gündəlik həyatın rahatlığını artırır. Əksər müasir yaşayış komplekslərində təhlükəsizlik və təmizlik sistemi 24/7 əsasda təşkil olunur. 

Bütün üstünlüklərlə yanaşı, alıcıların diqqət etməli olduğu müəyyən risklər də mövcuddur. Ən çox rast gəlinən problem sənədləşmə ilə bağlıdır. Bəzi binalarda hələ də çıxarış (kupça) verilmədiyi üçün alıcılar sonradan çətinliklərlə üzləşə bilirlər.Digər risk isə tikintinin təhvil tarixinin gecikməsidir. Bəzən tikinti şirkətləri mənzilləri satışa çıxarır, lakin obyektin tam təhvilini illərlə uzadır. Bundan əlavə, tikinti keyfiyyəti də vacib faktordur. Ucuz materiallardan istifadə mənzilin uzunömürlülüyünə mənfi təsir göstərə bilər. Etibarlı tikinti şirkətini seçmək mənzil alışı prosesinin ən vacib mərhələlərindən biridir. Alıcı ilk növbədə şirkətin rəsmi qeydiyyatını və əvvəlki layihələrini yoxlamalıdır. Sosial şəbəkələrdə və forumlarda real müştəri rəylərini oxumaq da faydalıdır. Müqavilə imzalanmadan öncə hüquqşünasla məsləhətləşmək, sənədlərin düzgün tərtibinə əmin olmaq üçün vacib addımdır. Əgər imkan varsa, tikinti şirkətinin artıq təhvil verdiyi binaları yerində görmək daha real təsəvvür yaradar.

Bakının müxtəlif rayonlarında fərqli büdcələrə uyğun yeni tikililər tapmaq mümkündür.

 Ağ Şəhər layihələri — müasir memarlıq, yüksək infrastruktur və rahat yerləşmə ilə seçilir. Nərimanov və Xətai rayonlarında olan komplekslər — metroya yaxın və şəhər mərkəzinə inteqrasiya olunmuş yaşayış təklif edir. Binəqədi və Masazır istiqamətində olan layihələr isə daha sərfəli qiymətlərlə geniş seçim yaradır.

Yekunda qeyd etmək olar ki, yeni tikilide menzil almaq istənilən halda yaxşı araşdırma və düzgün seçim tələb edir. Etibarlı şirkətlə əməkdaşlıq və sənədlərin şəffaflığı alıcını gələcəkdə yarana biləcək problemlərdən qoruyur.

Hazırladı 

Məhərrəmova Duyğu

• 16.10.2025
• 125