İpoteka krediti əldə edən zaman ən çox girov qoyulan əmlaklar

  • 24.05.2023
  • 1930
İpoteka krediti əldə edən zaman ən çox girov qoyulan əmlaklar

Ölkəmizdə ipoteka krediti əldə edən zaman daha çox daşınmaz əmlak girov olaraq rəsmiləşdirilir. Belə ki, bir çox vətəndaşlar yaşayış evi və ya mənzil almaq üçün ipoteka kreditinə müraciət edirlər. Daşınmaz əmlakların girov predmeti olması isə bu bazarın canlanmasına səbəb olur.

Bu barədə  Əmlak Məsələləri Üzrə Dövlət Komitəsindən məlumat verilib.

Bu sahə üzrə 2023-cü ilin yanvar-aprel aylarının statistikasına nəzər yetirək.

2023-cü ilin yanvar-aprel ayları ərzində bağlanan ipoteka müqavilələrinin sayı

2023-cü yanvar-aprel ayları ərzində ölkəmizdə 24769 daşınmaz əmlak üzrə ipoteka müqaviləsi qeydə alınıb. Bu, 2022-ci ilin müvafiq hesabat dövrü ilə müqayisədə 2668 və ya 12,1% çox olub.  

2023-cü ilin yanvar-aprel ayları ərzində ən çox girov qoyulan daşınmaz əmlaklar

Hesabat dövrü ərzində Azərbaycanda girov qoyulan əmlaklar sırasında mənzillər, torpaq sahələri və fərdi yaşayış evləri olub. Ən çox girov qoyulan daşınmaz əmlak isə mənzillərdir. Belə ki, 2023-cü ilin ilk dörd ayı ərzində 13510 mənzil üzrə ipoteka müqaviləsi bağlanılıb. Hesabat dövründə girov qoyulmuş ümumi 24769 əmlakdan 5467-si torpaq sahəsinin, 3592-si isə fərdi yaşayış evinin payına düşüb.

2023-cü ilin yanvar-aprel ayları ərzində daşınmaz əmlak növləri üzrə ipoteka müqavilələri

Əmlak növləri

Müqavilə sayı

Ümumi göstəricidə payı (faizlə)

Mənzil

13510

54.5%

Torpaq sahəsi

5467

22.1%

Fərdi yaşayış evləri

3592

14.5%

Qeyri-yaşayış sahələri

858

3.5%

Qeyri-yaşayış binaları

700

2.8%

Bağ evləri

404

1.6%

Digərlər

238

1.0%

Ümumi

24769

100.0%

Daşınmaz əmlak üzrə ən çox ipoteka müqaviləsi paytaxt Bakıda bağlanıb

Bu ilin ilk 4 ayı ərzində paytaxtda ümumilikdə 12.602  ipoteka müqaviləsi bağlanılıb ki, bu da ölkə üzrə ümumi göstəricinin 50,9%-ni təşkil edir. Bakıdan sonra ən çox ipotekanın dövlət qeydiyyatı Əmlak Məsələləri Dövlət Xidmətinin “Daşınmaz Əmlakın Dövlət Kadastrı və Reyestri” publik hüquqi şəxsin 4 saylı Abşeron (3305 müqavilə), 5 saylı Xaçmaz (1323 müqavilə), 2 saylı Sumqayıt (1263 müqavilə) və 3 saylı Gəncə ərazi idarələrində (1074 müqavilə) aparılıb. 

Sıra №

Ərazi İdarələrinin adı

İpoteka müqaviləsinin ümumi sayı

Ölkə üzrə göstəricidə payı

(faizlə)

1.

1 saylı Bakı Ərazi İdarəsi

12602

50.9%

2.

4 saylı Abşeron Ərazi İdarəsi

3305

13.3%

3.

5 saylı Xaçmaz Ərazi İdarəsi

1323

5.3%

4.

2 saylı Sumqayıt Ərazi İdarəsi

1263

5.1%

5.

3 saylı Gəncə Ərazi İdarəsi

1074

4.3%

6.

9 saylı Qəbələ Ərazi İdarəsi

944

3.8%

7.

17 saylı Yevlax Ərazi İdarəsi

502

2.0%

8.

14 saylı Şamaxı Ərazi İdarəsi

491

2.0%

9.

13 saylı Şirvan Ərazi İdarəsi

468

1.9%

10.

7 saylı Bərdə Ərazi İdarəsi

420

1.7%

11.

10 saylı Lənkəran Ərazi İdarəsi

371

1.5%

12.

11 saylı Şəmkir Ərazi İdarəsi

371

1.5%

13.

6 saylı Beyləqan Ərazi İdarəsi

363

1.5%

14.

12 saylı Şəki Ərazi İdarəsi

300

1.2%

15.

15 saylı Tovuz Ərazi İdarəsi

293

1.2%

16.

8 saylı Cəlilabad Ərazi İdarəsi

266

1.1%

17.

18 saylı Zaqatala Ərazi İdarəsi

213

0.9%

18.

16 saylı Ucar Ərazi İdarəsi

200

0.8%

Ölkə üzrə

24769

100%

 

Mənzillərin ən çox girov qoyulduğu bölgələr

Sıra №

Ərazi İdarələri

İpoteka müqaviləsinin sayı

Ölkə üzrə göstəricidə payı

(faizlə)

1.

1 saylı Bakı Ərazi İdarəsi

9748

72.2%

2.

4 saylı Abşeron Ərazi İdarəsi

1998

14.8%

3.

2 saylı Sumqayıt Ərazi İdarəsi

845

6.3%

4.

3 saylı Gəncə Ərazi İdarəsi

377

2.8%

5.

17 saylı Yevlax Ərazi İdarəsi

174

1.3%

6.

13 saylı Şirvan Ərazi İdarəsi

121

0.9%

 
Ayrı-ayrı əmlak növləri üzrə girovların ölkənin regionlar üzrə bölgüsünə nəzər saldıqda isə daha maraqlı nəticələr ortaya çıxır. Belə ki, 2023-cü ilin yanvar-aprel ayları ərzində ölkədə mənzillərin ən çox girov qoyulduğu ərazilər Bakı, Abşeron və Sumqayıtdır. Bütün girov qoyulan mənzillərin 93,2%-i bu üç ərazi idarəsinin payına düşür. Mənzillərin ən az girov qoyulduğu bölgələr isə 9 saylı Qəbələ (2 müqavilə), 14 saylı Şamaxı (4 müqavilə) və 18 saylı Zaqatala (8 müqavilə) ərazi idarələridir.

Fərdi yaşayış evlərinin ən çox girov qoyulduğu bölgələr

2023-cü ilin ilk dörd ayı ərzində girov qoyulan fərdi yaşayış evlərinin sayına görə paytaxt ilk yeri tutur. Ancaq bölgələrdə də bu kateqoriya üzrə aktivlik müşahidə olunur. Ölkənin bölgələrində fərdi yaşayış evlərinin ən çox girov qoyulduğu rayonlar 3 saylı Gəncə, 5 saylı Xaçmaz, 7 saylı Bərdə və 10 saylı Lənkəran ərazi idarələrinin yurisdiksiyalarında yerləşir.

Sıra №

Ərazi İdarələri

İpoteka müqaviləsinin sayı

Ölkə üzrə göstəricidə payı

(faizlə)

1.

1 saylı Bakı Ərazi İdarəsi

1027

28.6%

2.

4 saylı Abşeron Ərazi İdarəsi

639

17.8%

3.

3 saylı Gəncə Ərazi İdarəsi

306

8.5%

4.

5 saylı Xaçmaz Ərazi İdarəsi

200

5.6%

5.

7 saylı Bərdə Ərazi İdarəsi

170

4.7%

6.

10 saylı Lənkəran Ərazi İdarəsi

152

4.2%

Torpaq sahələrinin ən çox girov qoyulduğu bölgələr

Hesabat dövrü ərzində ən çox torpaq sahəsinin girov qoyulduğu ərazilər sırasında ilk üçlüyü müvafiq olaraq 5 saylı Xaçmaz, 9 saylı Qəbələ və 4 saylı Abşeron ərazi idarələri tamamlayır. Torpaqların ən az girov qoyulduğu bölgələr isə 8 saylı Cəlilabad (62 müqavilə) və 16 saylı Ucar (71 müqavilə) ərazi idarələridir.

OXU.AZ

Əmlak sahibi elanlarına abunə ol

Bu funksiyadan istifadə etməklə siz əmlak sahibi elanlarına abunə olacaqsınız. Arenda.az saytına daxil olan hər bir əmlak sahibi elanı haqqında Sizin e-mail ünvanınıza bildiriş gələcək. O cümlədən, əmlakın original, yəni loqosuz şəkillərini Pulsuz şəkildə yükləyə biləcəksiniz. Şəkilləri yüklə düyməsini basandan dərhal sonra şəkillər sizin kompyuterə yüklənməyə başlayacaq.

    • MilliÖN və eManat ödəmə terminallarında Ödəmə kartları bölməsinə girib Portmanat kodu ala bilərsiniz. bağla

  • Göndərilir...