İpoteka ilə mənzil almaq: rahat və qısa yol

Bakıda menzil sahibi olmaq bir çoxları üçün böyük arzu hesab olunur. Lakin artan daşınmaz əmlak qiymətləri bu arzunu reallaşdırmağı çətinləşdirir. Məhz bu nöqtədə ipoteka krediti və dövlət dəstəkli proqramlar vətəndaşlara daha real və rahat çıxış yolu təqdim edir. İpoteka kreditləri, menzil almaq istəyən şəxslərə uzunmüddətli və sabit ödəniş planı ilə ev sahibi olmaq imkanı yaradır. Bu sistemin əsas üstünlüyü ondan ibarətdir ki, vətəndaş birdəfəyə böyük məbləğ ödəmədən, aylıq gəlirinə uyğun şəkildə rahat və planlı şəkildə ödəniş edə bilir. Bundan başqa, ipoteka sistemi rəsmi gəliri olan şəxslər üçün etibarlı kredit tarixçəsi formalaşdırır və maliyyə sabitliyini gücləndirir.

Azərbaycan Respublikasında fəaliyyət göstərən Azərbaycan İpoteka və Kredit Zəmanət Fondu (AİKZF) vətəndaşlara müxtəlif ipoteka növləri təklif edir. Bunlara güzəştli ipoteka, adi ipoteka, eləcə də hərbi qulluqçular və dövlət qulluqçuları üçün xüsusi proqramlar daxildir.

Güzəştli ipotekalar adətən illik faiz dərəcəsi 4%, müddəti isə 25 ilə qədər olmaqla, gənc ailələr və ilk dəfə ev alanlar üçün olduqca sərfəli sayılır. Son illər gənc ailələr üçün ipoteka şərtlərinin yumşaldılması bu sahəyə marağı artırıb. Gənclər üçün nəzərdə tutulan ipotekalarda minimum ilkin ödəniş, aşağı faiz dərəcəsi və uzunmüddətli kredit müddəti kimi üstünlüklər tətbiq olunur.

Bundan əlavə, bir çox yeni tikililər artıq banklarla əməkdaşlıq edərək birbaşa ipoteka ilə satış imkanı yaradır. Bu, həm sənədləşmə prosesini sadələşdirir, həm də vaxt itkisinin qarşısını alır. İpoteka krediti uzunmüddətli maliyyə öhdəliyi olsa da, sabit aylıq ödənişlər və davamlı yaşayış rahatlığı ilə ailələr üçün təhlükəsiz variant hesab olunur.

Əgər menzil düzgün seçilərsə — yəni, yaxşı infrastruktur, yaxın nəqliyyat əlaqəsi və müasir bina kimi meyarlar nəzərə alınarsa — bu, həm yaşayış, həm də investisiya baxımından gələcəkdə dəyər qazandıran seçimə çevrilə bilər. Beləliklə, ipoteka ilə menzil almaq sadəcə kredit götürmək deyil, həm də gələcəyin planlı və dayanıqlı şəkildə qurulmasıdeməkdir.

Doğru seçim, düzgün müqavilə və maliyyə nizam-intizamı ilə bu proses hər kəs üçün rahat və real yola çevrilə bilər. 

Hazırladı

Məhərrəmova Duyğu

• 09.10.2025
• 57