Hər yerdə Arenda.az!

Arenda.az 2016-cı ildə fəaliyyətə başlamış və qısa zamanda Azərbaycanın daşınmaz əmlak sektorunda özünəməxsus yer tutmağı bacarmışdır. Əsas məqsədi ölkədə özəl və kommersiya daşınmaz əmlak elanları üçün vahid, etibarlı və rahat onlayn mühit yaratmaq olan platformamız 2021-ci ildə 9 illik inkişaf planını tətbiq etməyə başlamışdır. Bu plan 3 mərhələyə bölünmüş və 2021 və 2024-cü illəri əhatə edən ilk mərhələ  "Reytinq sistemi" uğurla tətbiq edilmişdir. İkinci mərhələr olan  “Hər yerdə Arenda.az!” reklam strategiyasına rəsmi olaraq start verildi.

Bu mərhələ 2025–2027-ci illəri əhatə edəcək və həm rəqəmsal, həm də fiziki reklam kanalları vasitəsilə Arenda.az platformasının istifadəçi sayının əhəmiyyətli dərəcədə artırılmasını hədəfləyir.

Eyni zamanda, bu müddət ərzində paralel şəkildə aparılacaq texniki yeniliklər və təkmilləşdirmələrlə platformada istifadə rahatlığının və funksionallığın daha da yüksəldilməsi nəzərdə tutulur.

“Hər yerdə Arenda.az!” strategiyası Sumqayıtdan başlayır!
Arenda.az-ın 2025–2027-ci illəri əhatə edən ikinci mərhələli reklam strategiyası çərçivəsində “Hər yerdə Arenda.az!” kampaniyasına start verildi. Strategiyanın ilk dayanacağı Sumqayıt şəhəri olaraq müəyyən edilib. Növbəti mərhələlərdə isə Abşeron rayonu, Bakı şəhəri və Azərbaycanın digər bölgələrində həm rəqəmsal, həm də fiziki reklam fəaliyyətlərinin həyata keçirilməsi planlaşdırılır.

Bu strategiyanın əsas məqsədi Arenda.az-ı daha geniş auditoriyaya çatdırmaqla yanaşı, platformanın funksionallığını və istifadəçi təcrübəsini də yüksəltməkdir.

“Hər yerdə Arenda.az!” strategiyasının əsas hədəfləri:
Xidmət keyfiyyətinin artırılması
İstifadəçilərə daha peşəkar, sürətli və etibarlı xidmət təqdim etmək.

Daşınmaz əmlak üçün ideal platformanın formalaşdırılması
Əmlak alqı-satqısı və icarəsi üçün intuitiv və etibarlı mühit yaratmaq.

Sektora dair əsas resursların bir arada toplanması

Daşınmaz əmlakla bağlı mühüm məlumatları və xidmətləri vahid platformada birləşdirmək.

Bölgələrdə daşınmaz əmlak sektorunun inkişafına töhfə vermək
Regional bazarların güclənməsinə dəstək olaraq, yerli istifadəçilərin aktivliyini artırmaq.

Arenda.az platformasının daha əlçatan olması
İstər böyük şəhərlərdə, istərsə də regionlarda istifadəçilər üçün daha rahat və geniş əhatəli xidmət təmin etmək.

• 25.07.2025
• 763