Bakıda “BAKUARCHIFEST 24: Architecture & Human” memarlıq festivalı keçiriləcək

Bakıda ilk dəfə keçiriləcək “Baku Archifest 24: Architecture & Human” tədbiri, 4-6 dekabr tarixlərində “Memarlıq və İnsan” şuarı ilə memarlıq  sahəsində yeniliklərə marağı olan hər kəsi bir araya gətirəcək.

Uç gün davam edəcək bu unikal tədbir, memarlıq sahəsində peşəkarlar və tələbələr, o cümlədən Azərbaycan tikinti sektorunda aparıcı rol oynayan tərəflər  üçün mükəmməl bir platforma olmaqla yanaşı, aktual memarlıq problemlərinə yenilikçi həllərin öyrənilməsi və müzakirəsinə geniş imkan yaradacaq.

“Baku Archifest 24: Architecture & Human” tədbirinin təşkilatçıları Azərbaycanın qabaqcıl layihəçi  şirkətlərindən olan “Design Bureau” və Türkiyənin məşhur “Aslı Architecture” memarlıq şirkətidir.

Festivalın məqsədi, iştirakçıları memarlıq sahəsindəki ən son nailiyyətlərlə tanış etmək, həmçinin tanınmış mütəxəssislərin rəhbərliyi ilə maraqlı müzakirə və ustad dərslərinə qoşulmaq imkanı verməkdir. Burada iştirakçılar üçün yeni əlaqələr qurmaq və gələcəyin memarlıq anlayışlarını formalaşdırmaq istiqamətində əhəmiyyətli bir mühit yaradılacaq.

Festivalın proqramı

Tədbirin proqramında panel müzakirələr, tələbə və gənc memarların təqdimatları, müxtəlif ustad dərsləri və dizayn studiyalarına, şourumlara ekskursiyalar nəzərdə tutulur. İlk gün rəsmi açılış, sonrakı günlərdə təhsil və inkişaf yönümlü sessiyalar keçiriləcəkdir.

Festivalda  hər kəs ödənişsiz iştirak edə bilər.

• 11.11.2024
• 580