Azərbaycanın 12 rayonuna yatırımlar - KƏSKİN AZALIB

2025-ci ildə Azərbaycanın regionlarında əsas kapitala yatırılan investisiyaların həcmində müşahidə olunan kəskin azalma dinamikası açıqlanıb.

Azərbaycanda yatırımların artıb-azaldığı - RAYON/ŞƏHƏRLƏR, MƏBLƏĞLƏR (2024/2025) 

İnvestisiya qoyuluşunun azalması üzrə ən kəskin göstərici Yardımlı rayonunda müşahidə olunub; burada investisiyalar 18 milyon 651 min manatdan 5 milyon 653 min manata düşərək 12 milyon 998 min manat, yəni 3,3 dəfə azalıb.

Tərtər rayonunda investisiya həcmi 2,9 dəfə və ya 51 milyon 696 min manat geriləyərək 78 milyon 751 min manatdan 27 milyon 56 min manata enib.

Goranboy rayonunda isə bu azalma 2,1 dəfə və ya 9 milyon 478 min manat təşkil edərək, rəqəmi 17 milyon 921 min manatdan 8 milyon 443 min manata çatdırıb.

Laçın rayonunda isə 2 dəfəlik geriləmə ilə vəsaitlər 910 milyon 671 min manatdan 453 milyon 94 min manata (457 milyon 577 min manatlıq azalma) düşüb.

Azalma dinamikası faiz nisbətləri ilə aşağıdakı kimi formalaşıb:

Şamaxı rayonunda investisiyalar 77 milyon 685 min manat və ya 49,9 faiz azalaraq 155 milyon 654 min manatdan 77 milyon 969 min manata düşüb.

Füzuli rayonunda 267 milyon 90 min manatlıq (49,2 faiz) geriləmə ilə 542 milyon 423 min manatdan 275 milyon 333 min manata eniş qeydə alınıb.

Qazax rayonunda investisiya qoyuluşu 7 milyon 183 min manat və ya 48,8 faiz azalaraq 14 milyon 714 min manatdan 7 milyon 530 min manata bərabər olub.

Şuşa rayonunda 359 milyon 97 min manatlıq (48,4 faiz) azalma olub (742 milyon 34 min manatdan 382 milyon 937 min manata).

Mingəçevir şəhərində 198 milyon 710 min manatlıq (47,2 faiz) geriləmə ilə investisiyalar 420 milyon 797 min manatdan 222 milyon 87 min manata düşüb.

Siyahıda digər bölgələr üzrə azalma aşağıdakı kimidir: Qax rayonunda 3 milyon 746 min manat (44,7 faiz), Samux rayonunda 12 milyon 520 min manat (43,8 faiz) və Şabran rayonunda 6 milyon 64 min manat (42,4 faiz) məbləğində azalma qeydə alınıb.

• 10.03.2026
• 122