Azərbaycanda evlər üzrə orta sahə açıqlanıb

Mənzillərdə orta yaşayış sahəsi kəskin şəkildə azalıb və son illərdə stabilləşib.

2021-ci ildə orta mənzil sahəsi 118 m² olduğu halda, 2022-ci ildə azalaraq 84 m²-ə düşüb və 2023–2024-cü illərdə bu səviyyədə sabit qalıb.

2025-ci ildə cüzi artımla 87 m² qeydə alınıb ki, bu da bazarın daha kompakt və əlçatan mənzillərə uyğunlaşdığını göstərir.

Fərdi yaşayış evlərində isə sahə azalması daha mülayim olub və sonradan bərpa mərhələsinə keçib.

2025-ci ilin il 3 rübü ərzində fərdi yaşayış evləri üçün orta sahə 210 m² -ə çatıb.

Biznes və maliyyə xəbərləri portalı xəbər verir ki, xüsusilə Xruşov, Alman və oxşar layihəli binalar əvvəlki dövrlərdə əsasən söküntü və yenidənqurma proqramları çərçivəsində bazarda maraq doğururdu. Bu binalara olan tələbin mühüm hissəsi onların gələcəkdə sökülərək yeni layihələrlə əvəzlənəcəyi gözləntiləri ilə formalaşırdı.

Müvafiq büdcə vəsaitinin ayrılmaması sözügedən gözləntilərin zəifləməsinə və bazar iştirakçılarının davranışının dəyişməsinə səbəb ola bilər. Nəticədə bu kateqoriyaya aid binaların investisiya cəlbediciliyi azalmaqla yanaşı, qiymət artımı potensialı da məhdudlaşa bilər. Bu isə həm alqı-satqı aktivliyinin azalması, həm də qiymətlər üzərində aşağı yönlü təzyiqlərin formalaşması ilə nəticələnə bilər.

• 05.01.2026
• 109