Yeni tikililər və köhnə binalar: hansı daha sərfəlidir?

Bakıda menzil almaq istəyənlərin qarşısında duran əsas suallardan biri budur: yeni tikiliye üstünlük vermək, yoxsa köhnə binada mənzil seçmək? Hər iki variantın həm üstün cəhətləri, həm də nəzərə alınmalı məqamları var. Seçim əsasən alıcının büdcəsindən, həyat tərzindən və uzunmüddətli planlarından asılı olur.

Son illərdə Bakıda yeni tikililerin sayı xeyli artıb. Müasir dizayn, geniş həyət sahəsi, yeraltı dayanacaq və lift sistemləri bu binaların əsas üstünlükləridir. Bundan əlavə, yeni tikililerde enerji səmərəliliyi daha yüksək olur, bu da uzunmüddətli dövrdə kommunal xərclərin azalmasına səbəb olur. Lakin menzillerin ilkin qiyməti köhnə binalara nisbətən daha yüksəkdir. Üstəlik, bəzi hallarda təmir işlərinə əlavə xərctələb olunur, çünki menziller adətən “pod mayak” şəklində təhvil verilir.

Köhnə tikililer — xüsusilə Bineqedi, Nesimi və Sabuncu rayonlarında yerləşən binalar — hələ də alıcılar arasında böyük maraq doğurur. Bu binalarda adətən kommunikasiya sistemləri artıq qurulub, infrastruktur tam formalaşıb və yaşayış mühiti daha oturuşmuş olur. Digər üstünlük — qiymətlərin nisbətən daha münasib olmasıdır. Köhnə binalarda təmirli menzil almaq, yeni tikilide “pod mayak” ev almaqdan bəzən daha sərfəli başa gəlir. Bununla belə, bəzi binalarda tikinti yaşı artıq olduğundan izolyasiya və istilik sistemləri zəif ola bilər.

Hazırda Bakıda yeni tikililerde menzillerin kvadrat metri orta hesabla 1,800–2,500 AZN civarındadır, köhnə binalarda isə bu rəqəm 1,300–1,800 AZN aralığında dəyişir. Lakin yeni tikililerin dəyəri zamanla daha çox artır, bu da investisiya baxımından onları daha cəlbedici edir. Uzunmüddətli baxdıqda, yeni tikililer dəyərini qorumaq və gələcəkdə satışdan qazanc əldə etmək istəyənlər üçün daha uyğun seçim sayılır. Köhnə binalar isə hazır yaşayış rahatlığı və aşağı ilkin xərclər axtaranlar üçün idealdır.

Əgər alıcı uzunmüddətli yatırım və müasir şərait arzusundadırsa, yeni tikili daha məqsədəuyğundur. Əksinə, münasib qiymətə, mərkəzi ərazidə və dərhal yaşamaq üçün menzil axtaranlar üçün köhnə binalar daha sərfəli seçim sayılır.

Hazırladı

Məhərrəmova Duyğu

• 06.10.2025
• 255