Bakıda kommersiya obyektinə investisiya: gəlirli fürsət, yoxsa riskli addım?

Bakida daşınmaz əmlak bazarı təkcə yaşayış menzilleri ilə deyil, həm də kommersiya obyektlerine olan tələbatla seçilir. Son illər paytaxtda biznes fəaliyyətinin artması, yeni ofislərin, kafelərin və ticarət mərkəzlərinin açılması bu sahəni investorlar üçün cəlbedici edib. Amma hər gəlir imkanı kimi, bu istiqamətdə də düzgün qərar və təhlil vacibdir. Bakıda kommersiya daşınmaz əmlakı dedikdə ofislər, mağazalar, anbar sahələri, kafelər və xidmət məkanları nəzərdə tutulur. Ən çox gəlir gətirən obyektlər, adətən, mərkəzi küçələrdə və yüksək gediş-gəliş olan ərazilərdə yerləşənlərdir. Belə obyektler aylıq icarə gəliri baxımından daha sabit və uzunmüddətli qazanc təmin edir.

Kommersiya sahəsinə sərmayə yatırmaq yaşayış menzili almaqdan fərqli olaraq daha çox araşdırma tələb edir. Əsas risklərdən biri yerləşmə seçimi və tələb səviyyəsidir. Əgər obyekt insanların az gəzdiyi və ya yeni formalaşan ərazidə yerləşirsə, icarəçi tapmaq çətin ola bilər. Digər vacib məsələ isə sənədləşmə və icazələrdir — bəzən qeyri-kommersiya təyinatlı binalarda obyekt kimi istifadə hüququ məhdud olur. Son illərdə Bakıda kofe və restoran biznesi, gözəllik salonları və mini-ofis formatı olan iş yerlərinə maraq artıb. Bu, xüsusən gənclərin təşəbbüskarlığının artması və rəqəmsal xidmətlərin yayılması ilə bağlıdır. Belə obyektlər üçün kompakt, mərkəzə yaxın və yaxşı görünən məkanlar üstünlük təşkil edir.

Əmlak mütəxəssislərinin fikrincə, Bakıda kommersiya obyektlərinə investisiya 5–10 illik dövrdə sabit gəlir gətirən bir sahə kimi qiymətləndirilir. Əsas odur ki, alıcı bazar tendensiyalarını izləsin, yerləşməni düzgün seçsin və icarə potensialını əvvəlcədən qiymətləndirsin.

Kommersiya obyektinə investisiya — doğru yanaşma və planlaşdırma ilə gəlirli fürsət, amma emosional qərar və tələsik addımlarla riskli sınaq ola bilər. Əgər məqsədiniz uzunmüddətli sabit gəlirdirsə, bazarı analiz edin, ekspertlərlə məsləhətləşin və yalnız sənədləri tam qaydasında olan obyektlərə üstünlük verin.

Hazırladı

Məhərrəmova Duyğu

• 20.10.2025
• 162