Yeni metro stansiyası olan yerdə - MƏNZİLLƏR BAHALAŞACAQ

Yeni metrostansiyaların tikilməsi həmin ərazilərdə mənzil qiymətlərinə təsir edəcək.

 Bildirirlər ki, Yeni Günəşli, Zabrat, Saray, Masazır və Xırdalanda tikiləcək metrostansiyalar həmin ərazilərdə torpaq və mənzil qiymətlərini xeyli artıracaq.

Əmlak bazarı üzrə ekspert Elnur Fərzəliyev bildirir ki, daşınmaz əmlakların satış qiymətlərini artıran ən böyük amillərdən biri də həmin ərazilərdə infrastrukturun formalaşmasıdır.

Yəni avtobus xətləri və metrostansiyalar yaxın olan ərazilərdəki əmlakların satış qiymətləri digər ərazilərdən daha yüksək olur.

Ekspert hesab edir ki, bu ərazilərdə təkcə qiymət yox, tələbat da artacaq.

«Artıq paytaxtın bir çox ərazilərində yeni metrostansiyaların açılacağı gözlənilir ki, yaxın gələcəkdə həmin ərazilərdə də əmlakların satış qiymətlərində artımlar gözlənilir.

Artımlarla yanaşı, bu ərazilərdəki əmlaklara tələbat da həddən artıq çox olur. Baxsaq, hal-hazırda Bakı ətrafı, infrastrukturu zəif olan ərazilərdə torpaqlara və daşınmaz əmlaklara tələbat az olsa da, infrastrukturu sıx olan ərazilərdə tələbatın artması həmin ərazilərdə də qiymətlərə öz təsirini göstərir. Artıq yeni matro stansiyalar asçılacaq ərazilərin adları açıqlanıb. Həmin ərazilərdə metronun hələ gələcəkdə inşa edilməsi gözlənilsə də artıq həmin ərazilərə insan axını tələbatın çoxalması və qiymət artımı qaçılmaz olacaq»-deyə E.Fərzəliyev bildirir.

Qeyd edək ki, artıq Bakı metrosunda 2027-ci ilə qədər inşası nəzərdə tutulan 10 stansiyadan 1-də tikinti gedir, digər 9 stansiyanın layihələndirmə işləri yekunlaşıb. Yerüstü Nəqliyyat Agentliyindən verilən məlumata görə, metronun şərti adı B4 olan stansiyanda tikinti davam edir və bu ilin sentyabr ayına qədər bitməsi nəzərdə tutulub.

Dərnəgül deposunda da tikinti işlərinə başlanılıb.

• 03.02.2026
• 169