Kirayə yolu ilə İpoteka mənzil almaq istəyirsiniz?

İpoteka və Kredit Zəmanəti Fondu satmaq öhdəliyi ilə mənzillərin kirayəyə alınması şərtlərinin izahatını açıqlayıb.

FED.az xatırladır ki, kirayə üçün müraciətlərin qarşıdakı bir neçə gündə başlanması gözlənilir. Mənzillər 3-25 illik kirayə müqaviləsi ilə veriləcək. Son ödəniş tarixində vətəndaşın yaşı 70-i keçməməlidir.
Satmaq öhdəliyi ilə Mənzillərin Kirayəyə Alınması Şərtləri :
Kirayə veriləcək mənzillər İpoteka və Kredit Zəmanəti Fondu tərəfindən alınıb. İlkin məlumatlara görə, bu mənzillər Bakının Qara Qarayev, Neftçilər metro stansiyalarının ətrafında və Əhmədli ərazisində, eləcə də, Sumqayıtda və Xırdalanda olacaq.

Kirayə evlərə müraciət üçün ASAN İmza və ya gücləndirilmiş elektron imza almaq lazımdır. Müraciətlər qiymətlənirilərkən vətəndaşın kredit tarixçəsinin müsbət və ya mənfi olması, aylıq rəsmi gəlirləri, ailə üzvlərinin sayı və yaşı nəzərə alınacaq.

Xatırladaq ki, 2019-cu ilin əvvəlində prezident İlham Əliyevin “Azərbaycan Respublikası İpoteka və Kredit Zəmanət Fondunun yaşayış sahələrini satmaq öhdəliyi ilə kirayəyə verməsi Qaydasını” təsdiq edilib. Yeni mexanizmə əsasən, vətəndaşlar mənzili kirayə götürdükdən sonra ona sahib də ola biləcəklər. Mənzili kirayə edən vətəndaşımızın aylıq ödənişləri evin xərcindən çıxılacaq. Müqavilə bağlanandan 3 il sonra isə kirayəçi mənzilin sahibinə çevrilmək imkanı qazanacaq. Bu zaman o, daha çox ödəniş etməklə müqaviləyə vaxtından əvvəl xitam verib mənzilə sahib olar və ya ödənişi davam etdirib 25 il ərzində ona sahib ola bilər.

ŞƏRTLƏR VƏ LAZIM OLAN SƏNƏDLƏR HAQQINDDA ƏTRAFLI MƏLUMAT :

• 15.01.2020
• 6092