Karantin Rejiminin Rieltor Sahəsinə Fəsadı

  • 26.04.2020
  • 206
Karantin Rejiminin Rieltor Sahəsinə Fəsadı

 

Rieltorlar Asossiasiyası İctimai Birliyinin direktoru, əmlak eksperti Elnur Fərzəliyev https://millitribuna.az/ saytına müsahibəsində bildirib :

Bu gün bütün dünya ölkələri koronavirus pandemiyasına qarşı çox çətin və ciddi şəkildə mübarizə aparır. Ölkəmizdə də koronavirus pandemiyasının qarşısının alınması ilə bağlı görülən tədbirlər təqdirəlayiq olması ilə yanaşı, həm də dünya ölkələrinə bir örnəkdir. Bütün dünyanın bu virusla mübarizə apardığı bir dövrdə Azərbaycan hökumətinin gördüyü qabaqlayıcı tədbirlər nəticəsində ölkəmizdə virusa yoluxma və ölüm sayı digər ölkələrə nisbətən minimum səviyyəyə endirilib. Artıq tətbiq olunmuş sərt karantin tədbirləri asta-asta yumşalmağa doğru gedir. Nazirlər Kabinetinin qəbul etdiyi yeni qərara əsasən, aprel ayının 27-dən etibarən bir çox iş yerlərinin fəaliyyəti bərpa olunacaq.

Yumşalma tədbirləri fonunda bu gün yüzlərlə rieltorlar öz ofislərinin fəaliyyətlərinin bərpa olunması məsələsinə də dövlət tərəfindən baxılmasını təklif edirlər. Statistikaya əsasən, bu gün Bakı, Abşeron və Sumqayıtda 15 minə qədər rieltorlar fəaliyyət göstərir. Bu peşənin sahibləri ölkədəki daşınmaz əmlakların satışını və kirayəsini həyata keçirirlər. Daşınmaz əmlak sahəsi ölkə iqtisadiyyatının ən aparıcı sahələrindən biri olduğu kimi, rieltorlar da bu sahəni idarə edən peşə sahibləridir. Onların əsas işi həm ölkə daxilindən, həm də ölkə xaricindən insanlarda bu sahəyə maraq yaradaraq investisiya qoyuluşunu təmin etməkdir.

Bu gün alqı-satqı ofislərinin fəaliyyətlərinin dayanması səbəbindən əksər tikinti şirkətləri alıcı qıtlığı ilə üzləşib. Demək olar ki, sözügedən şirkətlər öz fəaliyyətlərini və tikinti işlərini dondurublar. Rieltorların əsas iş prinsipinin internet elanları üzərindən qurulduğunu və əksər hallarda müştərilərlə əlaqəni onlayn şəkildə həyata keçirdiklərini nəzərə alsaq, bu sahədə çalışan şəxslərə də güzəşt edilməsi arzuolunandır. Çünki bu şəxslərin öz fəaliyyətlərini davam etdirməsi hər hansısa problem yaratmır.

Əslində rieltorların ən ciddi problemlərindən biri icarə götürdükləri ofislərlə bağlıdır. Çünki mövcud karantin rejimində ofisləri fəaliyyət göstərməsə də, məcburən artıq ikinci ayın icarə pulunu ödəməli olacaqlar. Bu baxımdan Rieltorlar Asossiasiyası İctimai Birliyinin direktoru olaraq, bütün aidiyyatı qurumlardan daşınmaz əmlakların alqı-satqısı və kirayəsi ilə məşğul olan ofislərin fəaliyyətinə icazə verilməsinə dair qərar verməyi xahiş edirəm.

 

https://bit.ly/2VGGqwP

Əmlak sahibi elanlarına abunə ol

Bu funksiyadan istifadə etməklə siz əmlak sahibi elanlarına abunə olacaqsınız. Arenda.az saytına daxil olan hər bir əmlak sahibi elanı haqqında Sizin e-mail ünvanınıza bildiriş gələcək. O cümlədən, əmlakın original, yəni loqosuz şəkillərini Pulsuz şəkildə yükləyə biləcəksiniz. Şəkilləri yüklə düyməsini basandan dərhal sonra şəkillər sizin kompyuterə yüklənməyə başlayacaq.