Hansı bölgələrdə daha çox mənzil satılır?

Hazırda təkcə paytaxt ərazisində deyil, ölkənin müxtəlif bölgələrində yaşayış mənzillərinin satışında ajiotaj yaranıb. Şəhər həyatından uzaq olmaq istəyənlər, əlavə mənzil arzulayanlar və ya istirahət zamanı (xüsusilə yay aylarında) şəhərin səs-küyündən qaçan vətəndaşlar bölgələrə üz tuturlar.

Əmlak eksperti Elşad Əliyev bildirib ki, bölgələr də satılan əmlakları alan vətəndaşlar əsasən iki məqsədlə alır. Birincisi, kənd təsərrüfatı və turizm məqsədli əmlaklara daha çox üstünlük verilir. Burada tək məqsəd istirahət deyil, həm də əlavə gəlir əldə etməkdir.

Ekspert söyləyib ki, fərdi yaşayış evlərinin son zamanlarda alqı-satqısı çox az müşahidə olunur. Rayon mərkəzlərində inşa edilmiş çox mənzilli yaşayış evlərinə tələb elə həmin bölgənin sakinlərinə daha çox maraqlı olur.

Son zamanlar Şəki, Qəbələ, Qax,Zaqatala, Quba,Qusar Lerik Astara rayonlarında əmlaklar daha çox maraq obyektinı çevrilib.

“Dilbər guşəmiz olan Qarabağ isə vətəndaşların tam sərbəst istifadəsinə verildikdə, qeyd olunan rayonlara maraq azalacaq. Buna səbəb isə Qarabağ torpağının daha münbit olması, şəfalı bulaqları ,səfalı yerləri və əhaliyə daha maraqlı olmasıdır.”- deyə o qeyd edib. Elşad Əliyev qeyd edib ki, yol infrastrukturu (dəmir yolu sərnişin və yük) bərpa olunduqdan sonra daha da cəzbedici olacaqdır və bu daha bol məhsul daha rifah yaşayışı təmin edə bilər.

• 23.05.2025
• 475