Əmlak alqı-satqısında “gizli tələlər” : müqaviləyə imza atmadan öncə nələrə baxmaq lazımdır

Bakıda menzil alışı zamanı bir çox insan sənədləri tam araşdırmadan qərar verir və bu, gələcəkdə ciddi hüquqi problemlərə səbəb ola bilər. Daşınmaz əmlak bazarında “gizli tələlər”dən yayınmaq üçün əsas addım – mülkiyyət sənədlərinin düzgün yoxlanmasıdır. Hər bir menzil rəsmi olaraq qeydiyyatdan keçməli və çıxarış (kupça) sənədinə malik olmalıdır. Alıcı ilk növbədə Əmlak Məsələləri Dövlət Xidmətindən mənzilə aid çıxarışın orijinallığını və onun kimə məxsus olduğunu yoxlamalıdır. Əgər menzil ipoteka ilə yüklüdürsə və ya məhkəmə çəkişməsi altındadırsa, bu, alıcı üçün risk yaradır.

Hüquqi yoxlama prosesi – daşınmaz əmlakın təmiz tarixçəsinin araşdırılması deməkdir. Yəni, menzilin daha əvvəl satılıb-satılmadığı, üzərində borc və ya girov olub-olmaması, tikinti şirkətinin lisenziyası və layihənin təsdiqi kimi detallara baxılır. Bu məlumatlar notarius və ya hüquqşünas vasitəsilə rəsmi şəkildə təsdiqlənməlidir.

Müqavilədə menzilin ünvanı, sahəsi və çıxarış nömrəsi aydın və tam şəkildə göstərilməlidir.

Ödənişin mərhələləri və şərtləri şəffaf və yazılı şəkildə razılaşdırılmalıdır.

Alqı-satqı prosesi yalnız notarial qaydada aparılmalıdır.

Vasitəçilərlə işləyərkən onların lisenziya və səlahiyyətlərinə diqqət edilməlidir.

Bəzi hallarda menzillər “çıxarışsız” satılır və alıcılar bununla razılaşır, lakin bu, gələcəkdə sahiblik hüququnun tanınmaması ilə nəticələnə bilər. Xüsusilə yeni tikililerde sənədləşmə mərhələsi tam başa çatmadan mənzil almaq risklidir. Əmlak alışı yalnız mənzilin gözəlliyi və qiyməti ilə məhdudlaşmamalıdır. Əsl təhlükəsizlik – hüquqi şəffaflıqda gizlidir. Mülkiyyət sənədlərinin yoxlanması və hüquqi ekspertiza, alıcıları həm maddi, həm də mənəvi itkilərdən qoruyur.

Hazırladı 

Məhərrəmova Duyğu

• 24.10.2025
• 75