Bakıda mənzil alanların ən çox buraxdığı səhvlər və onlardan necə qaçmaq olar

Bakıda daşınmaz əmlak bazarı hər keçən il daha da aktivləşir. Xüsusilə yeni tikililere artan maraq fonunda bir çox alıcı menzil seçimi və alqı-satqı prosesində tələsik qərarlar verir. Bu isə bəzən ciddi maliyyə və hüquqi problemlərlə nəticələnə bilər. Gəlin, alıcıların ən çox buraxdığı səhvlərə və onlardan necə qaçmaq mümkün olduğuna baxaq. Ən çox rast gəlinən səhvlərdən biri sənədlərin tam yoxlanılmamasıdır. Bəzi alıcılar mənzilin çıxarışı (kupça) və ya tikintinin icazəsi ilə bağlı detallarına fikir vermir. Nəticədə, sonradan menzilin qeydiyyata alınması və ya satışı ilə bağlı çətinliklər yaranır.

Digər bir səhv — yalnız qiymətə əsaslanaraq seçim etməkdir. Ucuz menzil cəlbedici görünə bilər, lakin tikinti keyfiyyəti, kommunikasiya sistemləri və ətraf infrastruktur nəzərə alınmadıqda, gələcəkdə təmir və istismar xərcləri daha baha başa gələ bilər.

Menzil almadan əvvəl bazar araşdırması aparmaq vacibdir. Müxtəlif ərazilərdə qiymətləri müqayisə etmək, tikinti şirkətləri haqqında rəyləri oxumaq və mütəxəssislərin fikirlərini öyrənmək alıcıya daha şüurlu qərar verməyə kömək edir. Məsələn, Nərimanov və Yasamal kimi mərkəzi ərazilərdə qiymətlər yüksək olsa da, Sabunçu və Xəzər rayonlarında daha münasib təkliflər tapmaq mümkündür. 

Kirayə və ya alqı-satqı müqaviləsi imzalanarkən bütün şərtləri diqqətlə oxumaq lazımdır. Müqavilədə mənzilin təhvil tarixi, ödəniş mərhələləri və tərəflərin hüquq və öhdəlikləri dəqiq göstərilməlidir. Əgər mənzil ipoteka və ya ilkin ödənişlə alınırsa, müqaviləyə əlavə bəndlər daxil etmək tövsiyə olunur.

Daşınmaz əmlak ekspertlərinin fikrincə, alıcılar ən çox emosional qərar verərkən səhv edirlər. Mənzilin görünüşü və ya satış menecerinin təqdimatı insanı cəlb edə bilər, amma qərar yalnız faktlara əsaslanmalıdır. Məsələn, “White City” layihəsində menzil alan bir çox alıcı əvvəlcə yüksək qiymətlərdən çəkinib, lakin uzunmüddətli perspektivdə bu ərazidə qiymətlərin daha da artması onların qərarının doğru olduğunu sübut edib.

Bakıda mənzil alışı böyük investisiyadır və hər detal diqqətlə araşdırılmalıdır. Alıcılar sənədləri yoxlamalı, bazarı öyrənməli və müqavilə bağlanarkən mütəxəssis məsləhətindən istifadə etməlidirlər. Belə olduqda həm maliyyə, həm də hüquqi risklər minimuma enəcək, alıcı isə rahat və etibarlı ev sahibi olacaq.

Hazırladı

Məhərrəmova Duyğu

• 22.10.2025
• 126