Aylıq 129 AZN ödəməklə mənzil sahibi ol!

  • 15.10.2019
  • 2003
Aylıq 129 AZN ödəməklə mənzil sahibi ol!

 

Mənzil İnşaatı Dövlət Agentliyi (MİDA) güzəştli mənzillərin növbəti partiyasını satışa çıxarıb. https://www.fed.az/az xəbər verir ki, mənzillərin satışı oktyabrın 16-da saat 11-dən başlayacaq və bir ay davam edəcək.
Gözləmə qaydasında mənzillərin seçimi oktyabrın 18-də saat 11:00-da başlayacaq və oktyabrın 30-dək aparılacaq. Bu dəfə satışa ümumilikdə 570 mənzil çıxarılacaq. Mənzillərin 330-u iki otaqlı, 140-ı 3 otaqlı, 90-ı isə 1 otaqlıdır.
1 otaqlıların sahəsi 31-33 kvadratmetr , 2 otaqlı mənzillərin sahəsi 50-57 kvadratmetr, 3 otaqlıların sahəsi 69-70 kvadratmetr arasında dəyişir. 1 otaqlıların qiyməti 29,2 min manatdan, 2 otaqlıların qiyməti 47,6 min manatdan, 3 otaqlaların qiyməti isə 67 min manatdan başlayır.
Mənzillər əvvəlcədən elan edilmiş güzəştli mənzil hüququ əldə etmiş şəxslərə güzəştli ipoteka krediti ilə satılacaq. İpoteka kreditləri 3-30 il müddətinə illik 4%-lə verilir, ilkin ödəniş azı 10% olmalıdır. Bu hesabla 1 otaqlı mənzil üçün aylıq ödəniş 129-136 manat, 2 otaqlı mənzil üçün aylıq 205-236 manat, 3 otaqlı mənzillər üçün isə 284-288 manat arasında dəyişir. Mənzilləri öz pulu ilə nağd almaq istəyənlərə 10% endirim olacaq. Bütün binalar Azərbaycan Respublikasının Dövlət Tikinti Normalarına (AzDTN) uyğun layihələndirilib və inşa olunub.

Əmlak sahibi elanlarına abunə ol

Bu funksiyadan istifadə etməklə siz əmlak sahibi elanlarına abunə olacaqsınız. Arenda.az saytına daxil olan hər bir əmlak sahibi elanı haqqında Sizin e-mail ünvanınıza bildiriş gələcək. O cümlədən, əmlakın original, yəni loqosuz şəkillərini Pulsuz şəkildə yükləyə biləcəksiniz. Şəkilləri yüklə düyməsini basandan dərhal sonra şəkillər sizin kompyuterə yüklənməyə başlayacaq.