24 ildir əmlak bazarında lider olan - «PRANT» beynəlxalq informasiya agentliyi

• 25.08.2021
• 604

«PRANT» beynəlxalq informasiya agentliyi artıq 24 ildir ki, Azərbaycanın daşınmaz əmlak bazarında tanınmış liderdir. O,  1997-ci ildə əsas təsisçisi  və Prezidenti olan Yusif Ələkbərovun  rəhbərliyi ilə yaradılmışdır. Daşınmaz əmlakın icarəyə verilməsi və satışı üzrə xidmətlər göstərməklə fəaliyyətini başlayan agentlik, hazırda Azərbaycanın daşınmaz əmlak bazarında orta və iri miqyaslı investisiya layihələrininin həyata keçirən ilk özəl müəssisədir.

«PRANT» agentlliyi daxili, həm də xarici sərmayenin cəlb olunması ilə də məşğul olur. Agentliyin xidmətləri sahəsinə yüksək gəlirli sərmayə layihələrinin, onların gerçəkləşməsi üçün iqtisadi və maliyyə sxemlərinin təqdim edilməsi, hüquqi məsləhətlərin verilməsi, yüksək ixtisaslı menecment xidmətlərinin göstərilməsi, bundan əlavə tikinti işlərin icrası, bütün növ kommunal və digər xidmətlərin  göstərilməsi  daxildir.

Bu gün «PRANT» informasiya agentliyi öz statusunu təkcə Azərbaycanın daşınmaz əmlak bazarında yox, həm də onun hüdudlarından kənardа, dünya dövlətlərinin digər tanınmış təşkilatları və şirkətləri ilə birgə fəaliyyət  zəminində təsdiq etmək iqtidarındadır. 6 noyabr 2004-cü  il tarixində  İtaliyanın  paytaxtında  keçirilən  müsabiqədə, şirkət, yüksək keyfiyyət göstəricilərinə görə «Qızıl Ulduz» beynəlxalq mükafatına layiq görülmüşdür. Ticarət, turizm və sənaye sahələrinə həsr olunmuş  bu müsabi, İspaniyanın “Actualidad” jurnalı tərəfindən vaxtaşırı keçirilən bir beynəlxalq tədbirdir.

Növbəti əlamətdar hadisə kimi «PRANT» agentliyinin 2005-ci ilin sentyabr ayında ABŞ-Azərbaycan  Ticarət  Palatasının üzvləri  sırasına qəbul oulnmasını qeyd etmək olar.

2006-cı ilin aprel ayında “PRANT” ilin “Avropada nüfuz və keyfiyyət lideri” adını almağa müvəffəq olmuş və müvafiq priz ona İsveçrənin Sürix şəhərində təqdim edilmişdir.

Agentlik özünün növbəti mükafatını – “Qızıl Medal”ı May ayında, Parisdə, dövlət statusuna malik olan və əsası 1802-ci ildə Napaleon Bonapartın dekreti ilə qoyulmuş Fransanın “Sənayenin inkişafına yardım Assosiyasiyası” tərəfindən keçirilən beynəlxalq müsabiqənin laureatı olmaqla qazana bilmişdir.

Xalqlar və ölkələr arasında dostluq münasibətlərinin inkişafında agentliyin fəaliyyətinin tutduğu yerə Ümumdünya Sülh Federasiyasının və Dünyada Sülh naminə dinlərarası və beynəlxalq Federasiyasının qərarları ilə 2006-cı ilin aprel ayında “PRANT” agentliyinin Prezidenti Yusif Ələkbərov, “Sülhməramlı səfir” fəxri adını qazanmışdır.

2006-cı ilin sonunda Gülüstan Sarayında keçirilən mərasimdə “Uğur” mükafatına layiq görülmüşdür

“PRANT”ın fəaliyyəti müntəzəm olaraq yerli və  New York Post, Weekly Telegraph, Actualidad və s.kimi mötəbər xarici mətbuat səhifələrində işıqlandırılır.

Göstərilən keyfiyyət və yüksək səviyyəli xidməti nəzərə alaraq,  2007-ci ilin fevral  ayının 18-19, Almaniyanın Frankfurt  şəhərində  keyfiyyətli xidmət və yüksək iş texnikasına görə müştəri razılığı, komunikasiya strategiyası, Bençmarklıq, informasiya və təhlil, liderlik, planlaşdırma və digər bu kimi 100-dən artıq Avropa Keyfiyyət Mükafatı modeli, prinsipləri əsasında əvvəlki illərdə bu mükafata layiq görülmüş şirkətlərin səsvermələri nəzərə alınmaqla BİD (Business İnitiative Directions) “Avropa arkası”  mükafatı ilə təltif edilmişdir. Liderlərə Liderlər tərəfindən təqdim edilən bu prestij mükafat 17 media tərəfindən ictimaiyyətə işıqlandırılmışdır.

Dünya ölkələrindən mötəbər şirkətlər, nüfuzlu iş adamları, keyfiyyət üzrə ekspertlərin də iştirak etdiyi, 23-24 sentyabr, London şəhərində BİD-nin  təşkil etdiyi növbəti  konvensiyasında,  növbəti uğur olaraq “Prant” şirkəti “Beynəlxalq Keyfiyyət Tacı” mükafatına layiq görülmüşdür. Keyfiyyət prinsipləri əsasında səsvermə yolu ilə  “Prant” şirkətinin layiq görüldüyü bu mükafatı ictimaiyyətə göstərilən xidmətin, peşəkar fəaliyyətin nəticəsi kimi qəbul edilməlidir.

2010-cu ildə “Prant” agentliyinin prezidenti A.A.Ələkbərov cənabları “Omac” İdarə etmə Assossasiyasının 20 dekabr tarixində İsveçrənin Cenevrə şəhərində keçirəcəyi  Ən Yaxşı və Keyfiyyətli Ticarət Adı Platinium texnologiyaları mükafatı” nın təltif olunması ziyafətinə dəvət olunmuşdur.

2011-ci ilin mart ayının 6-7-sində BİD-nin təşkil etdiyi Avropanın Cenevrə şəhərində keçirilən Konvensiyada “Prant” Daşınmaz Əmlak Üzrə İnformasiya Agentliyi  Brilliant Kateqoriyalı Əsrin  Beynəlxalq Keyfiyyətə görə CQE ERA Mükafatı ilə təltif olundu.

Dinamik tərzdə inkişaf edən bu realtor agentliyi Azərbaycanın daşınmaz əmlak bazarında peşəkar xidmətlərin çeşidini təqdim edir. Agentlik əhatəli struktur quruluşuna malikdir. Onun marketinq, maliyyə, iqtisadiyyat, hüquq, tərcümə işləri, tikinti və kommunal xidmətlərin göstərilməsi üzrə bölmələri fəaliyyətdədir. Təcrübəli menecerlər müştərilərə seçimlərini  düzgün etməkdə  köməkliklər edir,  onları  maraqlandıran suallar üzrə təfsilatlı  məsləhətlər verirlər. Hal-hazırda  agentlik  Bakıda, müxtəlif  ünvanlarda yerləşən bir neçə filiala  malikdir.

“Xidmət göstərilərkən hər bir müştəriyə fərdi yanaşma!” prinsipi ilə çalışan şirkət təsis  olunduğu andan sivil  bazar prinsiplərini təbliğ edir və əsas iş prinsiplərindən biri müştərilərin maraqlarına  qayğı ilə yanaşmaqdır. Hal–hazırda agentlik dünyada məşhur olan şirkətlərlə əməkdaşlıq edir.