Kirayə bazarında böhran Sahibkarlar icarədarlara güzəşt etmir

Kirayə bazarında böhran: Sahibkarlar icarədarlara güzəşt etmir, əksinə icarə haqqı tələb edir.

https://millitribuna.az/ saytından verilən məlumata əsasən hazırda on minlərlə obyekt fəaliyyətini dayandırıb. Bu obyektlərdə çalışan minlərlə işçi işsiz qalıb. Ən böyük problem isə bu obyektlərin icarədə olmasıdır.

Əmlak məsələləri üzrə ekspert Elnur Fərzəliyev bildirib ki, bu hal uzun müddət davam edərsə, ölkədə ciddi iqtisadi böhran baş verəcək.

«Pandemiya elan edildikdən sonra əksər biznes mərkəzləri, mollar, ticarət mərkəzləri, qeyri-yaşayış obyektləri, iş mərkəzləri karantinlə əlaqədar olaraq bağlandı. Hazırda on minlərlə obyekt fəaliyyətini dayandırıb. Bu obyektlərdə çalışan minlərlə işçi işsiz qalıb. Ən böyük problem isə bu obyektlərin icarədə olmasıdır. Bu gün həmin obyektlərin fəaliyyətdə olmamasına baxmayaraq, əmlak sahibləri vətəndaşlardan həmin obyektlərin icarə haqqını tələb edirlər. Təsəvvür edin ki, obyektlər işləmir, ancaq kirayə haqqı alınır və tələb edilir», – deyən ekspert vurğulayıb ki, bu zaman icarədarın iki yolu qalır. O, ya obyekti boşaltmalı, ya da icarə haqqını ödəməlidir.

E.Fərzəliyevin fikrincə, bəzi obyekt sahibləri bir ayın və ya yarım ayın pulunu almır. Əksər sahibkarlar isə icarədarları məcbur edib, kirayə pulunu alırlar: «İndi təsəvvür edin ki, bir tərəfdən obyektlər işləmir, insanlar yaşamaq üçün vəsait axtarır, digər tərəfdən də sahibkarlar icarə haqqını tələb edir. Şəhərdə icarə qiymətləri isə 1000 manatdan başlayır». Ekspert vurğulayıb ki, əhali həm pandemiya, həm də müflis olmaq təhlükəsi ilə üz-üzədir.

 Ətraflı məlumat :

https://bit.ly/2ZIRXOm

• 18.07.2020
• 747